Mga Pagkaing Patok sa Hapon
May mga ibat-ibang klase ng pagkain ang mga Hapon. Kilala ang Japan bilang "Land of the Rising Sun" di lang dahil sa mga magagandang lugar at tanawin kundi pati narin sa kanilang mga pagkain. May mga pagkain nakalista dito kung sakaling makapunta kayo ng Japan, alam niyo na kung ano ang mga patok na pagkain ng mga Hapon.
1. Ohagi o Botamochi
Ang Ohagi o Botamochi ay isang matamis na bolang kanin na kung saan ay karaniwang gawa sa malagkit na kanin.
2. Sushi
May tatlong klase ang sushi. Ito ay ang Makizushi, Nigirizhushi at ang Tamaki. Shashimi naman ang tawag sa hinating isda o karne na inihaing hilaw.
3.Sakuramochi
Ang Sakuramochi ay isang Japanese dessert na ang kulay ay pink katulad ng Sakura o Cherry Blossom Flowers na gawa sa malagkit na bigas at pinalamanan ng red bean paste at binalot ng lutong sakura leaf na pwedeng kainin.
4.Taiyaki
Ang Taiyaki ay isang Japanese fish-shaped cake. Ang karaniwang palaman nito ay red bean paste na gawa galing sa matamis na Azuki Beans. Ang iba pang karaniwang palaman ay maaring custard, chocolate, cheese at sweet potato.
5.Dango
Ang bilog na bola-bola ay karaniwang tinatawag na Dango at Kushi Dango na ang ibig sabihin ay tinuhog na matamis na bola-bola. Ang mga ito ay pinahiran ng matamis na toyo na ang tawag ay mitarashi.
